العهود إللي على قلبي عهود
عهد مني ماتهون محبتك
احتويت كل المحبة بالوجود
ماتشوف عيوني إلاصورتك
تشهد أفراحي وضيقاتي شهود
كيف غيرت حياتي بطيبتك
كيف طوقت نهاري بالورود
كيف نورت سماي بنجمتك
من يكون فلان وفلان منهو يكون؟
ضاعت الأسماء بطاري سيرتك
ماحسبت الحظ في مثلك يجود
لين ضميت خفوقي براحتك
الليالي في غيابك سود سود
كل ضحكاتي تموت بغيبتك
الغلا مابيننا ماله حدود
جعلني فدوة رضاك وضحكتك
ودامناحبين خذ مني عهود
[وعد مني ماتهون محبتك]
